sa puso ko ngayon...

Andaming gustong mamutawing mga salita't emosyon

Ramdam ng puso ko ang bawat katagang papaimbabaw

Ngunit sadyang mapagbiro, sakit ng ulo'y naguumapaw

Datapwat bigyang medisina't maimpisan ang panglaw

Sadyang marubdob di alintana kung san nagsisimula

Sakit na ilang linggo ng tinitikis yakapin't alu-aluin

Taimtin na panalangin'y sumahimpapawid sa labi

Sa kalooba'y hatid kapayapan taglay ng pagsampalataya

Dinggin yaring pabulong na dasal

Di lamang pisikal na kasakitan

Mahigit ay pusong napipiit sa kapighatian

Hilumin mong mga sugat' bigyang kasagutan

Puso't isipang tigagal sa mga huwestiyon

Asaan ang presensya ng ako'y kublihin

Pangungulilang dumatal sa pusong nasasabik?

 

 

 

 

 

Belskhie

26/11/2012

1:15am

 

 

 

 

Sa aking ala-ala

Balot ng saya't tawa

Araw na ito'y pinakamasaya

Anim na taong lumipas

 

Ngayo'y nagbalik tanaw

Biglang sumilay

Kunyapi't hapit

Madugong mga araw

 

Pinagsakluban ng langit

Ang tanaw ng pangarap

Ang kulay asul'y naging pula

Ang puti'y nabahiran ng itim

 

Panaho'y nagdaan

Nasaring ng pusong aba

Kapalarang di naalintana

Kay daming nagbago

 

Sinabihan noo'y lahat maaayos

Sa tabi'y nariyan aagapay

Sa likod'y magkukubli't magsasalo

Sa oras ng pangangailan'y nariyan

 

Ngayo'y nagiisa

Asan kayo ng ako'y aluin

Kalungkutan halos kitilin

Karamdama'y halos patayin

 

Mga mata'y nangitim

Walang patid luhang bigkis

Sa pagparam ng ina'y nahapis

Sa pagparam ninyo's nahagip

 

Sa buhay ng tao'y

Salita'y kaydaling bigkasin

Tuparin ay kay hirap akuin

Sadyang buhay ganyan nariyan