Laman nito ♥

Plano ng plano

Wala rin pala

Nakakalungkot

Nakakadismaya;

Pinuno ko ng galak

Sariling sabik sa bakasyon

Hinangad'y makita't madama

Ganda ni Inang Kalikasan;

Ngunit SINO ako?

Upang suwagin ang plano

Nang nag-iisa kong gabay

-- si HESU KRISTO;

Sutil ako't naisipan'y

Planong side-trip pa

Bumiyahe sa 'san mang trip

Upang lasapin ang sinasabing 'saya';

'Yon ang aking hangad

Sa kalooba'y ninamnam

Alinsabay sa'king pagpapagamot

Ilang buwan hinintay't

Inasam ang masiglang bukas

Inuusal ang ganda't dalisay

Ngunit mapag-biro ang tadhana

Iba ang dumatal

Sa apat na sulok'y nasadlak

Suwero't kung anu-anong gamot

S'yang tumarak sa'kin -- nanlalambot

Katawan'y sumuray lamang

Sa kamang hindi ninais

At sa kailanma'y ipagtatangis;

Walang magawa't nahapis

Tuluyang ako'y nauwi

Sa karamdamang inakala ko'y

Simpleng gamutan

Tuwiran rin giginhawa

Subalit pilit nagkukubli ang sakit

Pilit labanan'y nagsusumiksik

Ang kinasapitang pait;

Ngayo'y nalugmok sa aba

At naghimutok ang pandama

Bumulong ang pusong napapagal

Sa katahimika'y pumailanlang

Ang taimtim kong dasal...

Hesus ginawa mo ang lahat ng may buong pagmamahal;

Tulungan mo akong tuwiran kong maunawaan ang kahulugan

ng Banal na Espiritu sa Aking Buhay

Nang sa gayon'y magawa ko ang iyong mga ninanais

na naayon at nararapat sa kagustuhan ng Ama.