♥ Happy Birthday, Mama ♥

" A   Mother's   Love "

Lumipas na ang mga taon

Eto pa rin ako't nagbibilang

Ilang taon pa ang daraan

Nang hindi ka kapiling;

Lumipas na ang pighati

Ngunit balot pa rin ng dilim

Pusong lubos na nangungulila

Sa iyong mga yakap't halik;

Sa mga alaalang iniwanan

Ang sulyapan ito'y kasiyahan't

Luha'y muling magdaraan

Magmamarka ang kadalisayan;

Pagmamahal na wagas

Hindi maihahalintulad

Hindi maipagpapalit

Lubos na mananahan;

Dito sa kaibuturan

Nang aking pagkatao

Nanamnamin ko

Ang mga sandaling ika'y andito;

Sa mga sakit' pait nang nakalipas

Natutong magpakatatag

Nanalangin sa may Itaas,

Sa mga ngiti't tawanan'y

Hatid abot langit na kagalakan;

Hanggang sa kahuli-hulihan'y

Pinakitang pilit pusong mairog

Sa'kin pangarap'y nagpatianod

Naghintay ng walang patumangga

Sa sandaling pinakaaasam-asam

Ang sandaling oras na tayo'y

Naging ISANG BUONG PAMILYA;

Ilang oras na laan

Ilang segundong nagdaan

Sa'king pakiwari'y buong buhay

Ang dumaan't walang hanggan;

Sa huling pagkakataon'y

Nalasap ang mumunting saya

Dulot'y kapayapaang

Maghahatid sa iyo sa dako paroon;

Hanggang sa huli'y ika'y nagparaya't nagbigay

Alaala nito'y hindi mapapawi

Mag-aalab sa puso ang nasimulan

Pangako'y bigyang katuparan 

Patuloy na aabutin

Naudlot nating mga pangarap; 

Gaano man kasakit ang pamamaalam'y

Batid kong may nakatakdang araw

Sa muli nating pagsasama't

Hanggang sa muling pagkikita;

Sa minamahal kong Ina

Taos pusong PASASALAMAT ay handog

Walang ginintuang salita ang tutumbas

Sa kadalisayan ng iyong pagmamahal.

Maligayang Kaarawan, Mama!

Buong puso kong panalangin ay

Iyong kasiyahan't kapayapaan

Sa piling ng mga anghel

Sa lugar kung saan

May walang hanggan

WE   LOVE   YOU   and   MISSES   YOU   SO   MUCH,   MAMA...

(Alam kong hanggang ngayo'y hindi mo pa rin kami pinapabayaan lalo si Tisay. Ramdam ko sa bawat yugto ng buhay ko mula ng ika'y mawala ang mapagmahal mong presensya. Lubos akong nagpapasalamat, Mama. Kailanma'y walang makakapalit sa pagmamahal ng isang ulirang ina. Mananahan sa 'king puso ang bawat pahina ng ating kwento. Hugs & Kisses, Obelle)